Perchè sta rivista ?



Forse chì ci mancava
Una rivista pè riflette à a nostra sucetà. Cum’ella và, cum’ella ùn và.
Cum’ella puderia andà megliu.

Una rivista pè pruvà à analizà, mette à distanza, smitificà.
Ma dinù pè pruvà à imaginà, sperimentà, sunnià.

Una rivista chì ci nutrisce, chì c’adunisce.
Ingiru à una certa visione di a Corsica.

Una Corsica capace di lià identità è apertura ; patrimoniu è innuvazione ; radiche è mubilità
Una Corsica capace di produce.
Di produce idee è robba. E ancu di fabbricà novi Corsi cume si dicia tandu…

Una Corsica capace à risponde à a crisa eculogica ; è capace à prupone modi di campà è di circà a felicità. Individuale è cullettiva.
Una rivista pè scopre ciò ch’ella hà da dì è da arricà a Corsica oghje à u mondu.
Una rivista infine pè accoglie voce è penne di chì a si senterà d’impennà.
 
 
Dimanche 3 Janvier 2021
A squadra