Robba
 



Carulu Giovoni è u brocciu



En septembre dernier, nous choisissions d’illustrer l’article sur le concours régional des fromages de Venacu par une reproduction de la fresque ornant le temple d’Isis à Pompei : la confection des sortes de brocciu et de casgiaghje qui y est représentée a offert à Nicole Casalonga une réminiscence qu’elle a souhaité partager, et nous avec elle. En prolongement poétique et musical à la question productive, nous vous proposons donc de découvrir ou redécouvrir A Canzona di u brocciu de Carulu Giovoni, mis en musique et en voix par François Agostini et Martha Angelici. Autant de grands noms de la culture corse de l’Entre-deux-guerres aujourd’hui trop méconnus.



Peinture murale de Pompéi (temple d’Isis ?) avec des faisselles en vannerie emplies de fromage frais et des poulets.
Peinture murale de Pompéi (temple d’Isis ?) avec des faisselles en vannerie emplies de fromage frais et des poulets.
Natu in Zonza in u 1879, Carulu Giovoni fù allivatu in Guargualè pò diventò spiziale in Marseglia.
Ma ùn li bastava micca à trasfurmà a robba in medicina : li piacia dinù à trasfurmà la in puesia. Scrivanu è pueta appassiunatu di u so paese, hà participatu à parechje mosse cullettive cumè e riviste l’Annu corsu, L’Almanaccu di a Muvra, Monte Cintu... è n’hà creatu dinù unepoche tale u Lariciu o Le Réveil corse. Assai impegni ch’ùn l’anu micca alluntanatu da un’ opera literaria più persunale postu chì c’hà lasciatu raccolte maiò cumè I prufumi di l’isula (1930), La Corse druidique (1959), Favule corse da i chjuchi è da i maiò (1962). Hà datu ancu una bellissima traduzzione in corsu di e Buccoliche di Virgiliu ch’hè stata illustrata da Tonì Casalonga in u 1959.
Tonì Casalonga ch’hà avutu a furtuna di cunnosce à Giovoni perchè ghjera un amicu di u so babbu, s’arricorda ch’ellu manghjava pocu, u più à spessu brocciu cù u mele!
Eccu forse perchè ch'ellu hà scrittu sta Canzona di u Brocciu.

Sò lu brocciu d’a matina
Fratellucciu di le stelle
È sò natu in li pasciali
Trà lu spicu è le spuselle
Sò lu brocciu u brucciarellu
Più gustosu ch’è lu mele.
 
Quandu l’alba m’hà criatu
Si svigliava a filetta
È piattatu ind’u finochju
Nant’ u muru di la stretta
Zifulava u nostru merlu
A so prima canzunetta.
 
D’a mudesta pasturella
Ma videte a furtuna
Bella quant’hè bella bianca
In la so casgiaghja bruna
Hè cascata da lu cele
A curona di la luna.
 
Ùn ti lagnà micca tantu
O lu me cors’esiliatu
È ritorna à lu paese
Ch’è tù ai abbandunatu
Veni prestu chì t’aspetta
U to brocciu immaculatu.
 
 

Tra i so amichi, Carulu Giovoni avia dinù François Agostini, un musicante è etnomusicologu famosu chì fù direttore di l’Opéra Comique  po' di l’Opéra di Parigi.
Agostini misse in musica sta Canzona di u Brocciu, è a fece cantà da a so sposa Martha Angelici, una soprano di prima trinca, nata in Carghjese, da riscopre !
 
Pè sente a Canzona di u Brocciu, di Carulu Giovoni, messa in musica da François Agostini è cantata da Martha Angelici, basta à appughjà quì
 

 
Dimanche 25 Septembre 2022
A squadra


Dans la même rubrique :
< >